Komisioni Evropian ka vendosur të krijojë furnizime strategjike me pajisje mjekësore, të tilla si ventilatorët dhe maska mbrojtëse, për të ndihmuar vendet e Bashkimit Evropian gjatë pandemisë së virusit COVID-19.
KE thotë se është krijimi i parë ndonjëherë i rezervave të përbashkëta evropiane të pajisjeve mjekësore,.
Pajisjet do të përfshijnë ato të kujdesit intensiv mjekësor, siç janë ventilatorët, pajisjet mbrojtëse personale të tilla si maska të ripërdorshme, vaksinat, ilaçet dhe furnizimet laboratorike.
“Do të përfitojnë të gjithë shtetet anëtare dhe të gjithë qytetarët tanë. Ndihma e ndërsjelltë është e vetmja rrugë përpara”, tha Presidentja e KE-së Ursula von der Layen.
KE vëren se krijimi i furnizimeve të pajisjeve mjekësore është një mënyrë për të mbështetur shtetet anëtare më shpejt dhe në mënyrë më efektive në rast të mungesës së pajisjeve të nevojshme për trajtimin e pacientëve të infektuar, mbrojtjen e profesionistëve të kujdesit shëndetësor dhe që të ndihmojë në ngadalësimin e përhapjes së virusit.
Shtohet se shtetet anëtare aktualisht janë në proces të prokurimit së bashku të pajisjeve mbrojtëse personale, ventilatorëve të frymëmarrjes dhe sendeve të nevojshme për testimin e koronavirusit.
“Kjo qasje e koordinuar jep një pozicion të fortë në negociata me industrinë për pasjen ë dhe çmimin e pajisjeve mjekësore”, tha Komisioneri për Menaxhimin e Krizave Janez Lenarçiç. /tesheshi.com/
