Bashkimi Evropian paralajmëroi një rënie të lirisë së mediave në të gjithë botën, në dritën e pandemisë së virusit koronar.
“Eshtë shqetësuese që pandemia Covid-19 në disa vende është duke u përdorur si një justifikim për të imponuar kufizime të pajustifikuara për lirinë e mediave,” u tha në një deklaratë në emër të bllokut 27-vendesh, nga Josep Borrell, zyrtari kryesor i çështjeve të jashtme të BE-së.
Në një deklaratë të përputhur me Ditën Botërore të Lirisë, Borrell theksoi nevojën e shtuar për gazetari të besueshme në kohë krize për të shmangur dezinformatat dhe lajmet e rreme.
“Gazetarët duhet të jenë në gjendje të punojnë lirshëm”, thuhet në deklaratë, duke shtuar se në kohë të pasigurt, aksesi në fakte të besueshme dhe të verifikuara ishte i nevojshëm.
Organizata Reporterët pa Kufij paralajmëroi kohët e fundit se liria e shtypit në të gjithë botën është komprometuar nga pandemia koronare, me akuza veçanërisht serioze kundër Kinës. /tesheshi.com/
