Brukseli nisi nga masat ndëshkimore për Hungarinë e Viktor Orban, një i dalë “nga rreshti”, me qëndrimet e tij deri dhe ksenofobe, e padyshim kritike ndaj BE-së, kur është fjala për emigrantët.
Parlamenti Evropian votoi fillimin e procedurës penale për këtë shtet për shkak të shkeljes së vazhdueshme të ligjeve demokratike.
Me 448 vota për, 197 kundër dhe 48 abstenime, rezoluta u miratua në seancën plenare të parlamentit në Strasburg.
Kjo është hera e dytë që Parlamenti Evropian fillon zbatimin e nenit 7, që para Hungarisë u aplikua dhe kundër Polonisë.
Kjo dispozitë e Traktatit të BE-së nënkupton pezullimin e disa të drejtave të një shteti anëtar duke përfshirë ndalimin e të drejtës së votës në institucionet e BE-së.
Procedura fillon në rast të një anëtari cenon rëndë vlerat themelore të BE-së të tilla si sundimi i ligjit, demokracisë, të drejtave të njeriut dhe dinjitetit, lirisë dhe të drejtës së minoriteteve.
Pas miratimit në Parlamentin Evropian, vendimi mbi pezullimin e Hungarisë do të gjendet para Këshillit Evropian për votim. /tesheshi.com/
