Ministrat e jashtëm evropianë kanë miratuar një kornizë të re ligjore për të sanksionuar shkeljet e të drejtave të njeriut në të gjithë botën, modeluar nga ligji amerikan “Magnisky”.
Regjimi i ri do të lejojë BE të sanksionojë shkeljet e të drejtave të njeriut në vende të tilla si Kina, Rusia, Irani ose Arabia Saudite, raportojnë mediat.
Për herë të parë në historinë e saj, BE ka një kornizë ligjore që e lejon atë të ngrijë pronën dhe të ndalojë hyrjen e individëve përgjegjës për shkeljet e të drejtave të njeriut, si dhe të vendosë sanksione ndaj bizneseve, organeve shtetërore dhe jo-shtetërore kudo në botë.
Sanksionet mund të vendosen ndaj atyre që janë përgjegjës për gjenocidin, krimet kundër njerëzimit dhe shkelje të tjera të rënda të të drejtave të njeriut, të tilla si tortura, skllavëria, vrasjet jashtëgjyqësore dhe privimi arbitrar i lirisë ose paraburgimi.
Kuadri i ri ligjor është modeluar në Aktin Magnitsky të SHBA, sipas avokatit rus Sergei Magnitsky, i cili u arrestua në 2008 pasi zbuloi se zyrtarët rusë ishin përfshirë në mashtrime të mëdha tatimore.
Një vit më vonë ai vdiq në burg. /tesheshi.com/
