Rusia dhe Kina po zhvillojnë një fushatë “denigrimi” për të minuar besimin në vaksinat e miratuara nga Bashkimi Evropian dhe për të shitur të vetat, sipas një raporti të lëshuar nga organi anti-dezinformim i Ministrisë së Jashtme Evropiane.
“Diplomacia e vaksinave ruse dhe kineze shoqërohet nga “përpjekje për të keqinformuar dhe manipuluar, të cilat kërkojnë të minojnë besimin në vaksinat e prodhuara në Perëndim, në institucionet evropiane dhe në strategjinë evropiane të vaksinimit”, tha raporti, sipas AFP
Moska dhe Pekini “po përdorin mediat shtetërore, rrjetet mediatike pranë qeverisë dhe rrjeteve sociale, si dhe llogaritë zyrtare diplomatike në rrjetet sociale, për të arritur këto qëllime”, paralajmërojnë autorët e raportit. Kështu e përdorin llogarinë zyrtare të Sputnik V në Tëitter,” shtuan ata.
“Kështu, që nga fillimi i 2021, më shumë se njëqind shembuj të rinj të dezinformimit rreth vaksinimit që mund t’i atribuohen Kremlinit janë shtuar në bazën e të dhënave EUvsDisinfo,” lexon raporti.
Një sjellje e tillë synon të “dëmtojë besimin e publikut në Agjencinë Evropiane të Barnave dhe të hedhë dyshime mbi procedurat e saj dhe objektivitetin e saj politik”, tha raporti.
Agjencia Evropiane e Barnave (EMA) ka miratuar deri më tani katër vaksina: Pfizer / BioNTech, AstraZeneca, Moderna dhe Johnson & Johnson.
Pyetja është se çfarë duhet të sanksionohet?
“Duke inkurajuar mosbesimin ndaj Agjencisë Evropiane të Barnave, shpërndarësit e dezinformimit duan të minojnë dhe ndajnë qasjen evropiane për të siguruar një furnizim me vaksinë,” thanë ata.
Qëllimi i raportit është “të paraqesë vëzhgimet tona, të paralajmërojë për disa veprime dhe t’i mbështesë ato me dokumente në mënyrë që të mbrohemi”, tha një burim evropian, raportojnë agjencitë.
“Por po na mungon një shkop magjik për ta luftuar atë”, pranojnë ata. “Megjithatë, ne nuk mund të shikojmë vetëm pasivisht. BE duhet të zhvillojë mekanizma që do ta mbajnë atë përgjegjës për një dezinformim të tillë”.
“Pyetja është se çfarë duhet të sanksionohet? Përmbajtja apo botimi i saj? Ku është vija e kuqe? Ne duhet të vlerësojmë se sa dëshirë kishte për të manipuluar dhe vepruar duke i kushtuar vëmendje lirisë së fjalës. Kjo është më lehtë të thuhet sesa të bëhet”, pranoi burimi. /tesheshi.com/
