Ministrat e jashtëm të BE miratuan të hënën një kornizë ligjore për sanksione kundër individëve dhe bizneseve në Turqi përgjegjëse për eksplorimin e naftës dhe gazit në ujërat qipriote,.
Kuadri ligjor bën të mundur penalizimin e personave fizikë duke ngrirë pronën e tyre dhe ndaluar udhëtimin në Union, dhe penalizimin e personave juridikë duke u ngrirë pronën.
Dënimet mund të zbatohen gjithashtu për ata që ofrojnë mbështetje financiare, teknike ose materiale për këto aktivitete.
Kjo është e dyta nga një seri masash kundër Turqisë, e cila nuk njeh zonën ekskluzive ekonomike të Qipros, duke pretenduar se nuk merr parasysh interesat e pjesës veriore të Qipros, qëkur qipriotët turq shpallën pavarësinë, të cilën e njeh vetëm Turqia. /tesheshi.com/
Rezerva të mëdha nafte dhe gazi janë zbuluar në Mesdheun lindor, duke shkaktuar konkurrencë për shfrytëzimin e tyre por edhe rritjen e tensioneve midis Turqisë dhe Qipros.
