Moska duhet të vazhdojë të paguajë një çmim të lartë për agresionin e saj kundër Ukrainës, tha presidentja e Komisionit Evropian Ursula von der Layen.
Bashkimi Evropian do të shqyrtojë forcimin e sanksioneve ndaj Rusisë të hënën, pasi Moska akuzohet se përdor një termocentral bërthamor në Zaporozhye që ka konfiskuar për të ruajtur armët dhe lëshimin e raketave në rajonet përreth të Ukrainës jugore, tha Brukseli.
“Moska duhet të vazhdojë të paguajë një çmim të lartë për agresionin e saj (në Ukrainë),” tha presidentja e Komisionit Evropian Ursula von der Leyen, duke justifikuar masat e propozuara.
Ndërsa konflikti vazhdon dhe shkakton gjithnjë e më shumë kriza globale të energjisë dhe ushqimit, ministrat e jashtëm të BE-së po shqyrtojnë një ndalim të blerjeve të arit nga Rusia, i cili do të ishte në përputhje me sanksionet e vendosura tashmë ndaj vendit nga anëtarët e G7, sipas The Guardian.
Më shumë qytetarë rusë gjithashtu mund të futen në listën e zezë nga BE.
Anëtarët pritet të mbajnë bisedimet fillestare për sanksionet në Bruksel të hënën, por nuk do të marrin një vendim në të njëjtën ditë, shkruan gazeta, duke iu referuar deklaratës së një zyrtari të lartë të BE-së pa emër.
Ndodh kjo ndërsa deri më tani, sanksionet në fuqi nuk kanë dhënë asnjë efekt. Putin vijon luftën me më këmbëngulje, pa u gjendur ose pa shprehur asnjë alarm ekonomik, ndërsa në Perëndim rritet ëdo dite ankthi për atë që është përpara. /tesheshi.com/
