Një goditje e rëndë për Madridin ka qenë vendimi i gjykatës gjermane që e ka liruar me pagesë garancie liderin katalanas Carles Puigdemont
Gjykatësi gjerman vendosi 75 mijë euro garanci për Puigdemont-in, të cilat u paguan nga Assemblea Nazionale Catalana (ANC) që është shoqata më e madhe pro-pavarësisë.
Vetë Puigdemont me anë të një twitt-i ka përshëndetur mbështetësit: “Shihemi nesër, faleminderit shumë” dhe ka postuar një foto duke buzëqeshur, si dhe përshëndeti 9 liderët katalanas që ndodhen në burg në Spanjë.
Ndërkaq, një gjykatë belge ka liruar tre ish-ministra të rajonit të Katalonjës: Meritxell Serret, Toni Comin e Lluis Puig, për të cilët Spanja kërkon ekstradimin.
Vendimet e gjykatave europiane janë shumë të rëndësishme pasi bëhen precedent për lirimin e 9 krerëve të Katalonjës që janë burgosur në Spanjë me të njëjtat akuza.
Carles Puigdemont e bëri të qartë se tashmë nuk ka asnjë logjikë të mbahen në burg. /tesheshi.com/
