Komisioni Evropian po përgatit një ndihmë shtesë të re prej 500 milion eurosh për refugjatët sirianë në Turqi dhe disa masa për të lehtësuar tensionet me Ankaranë, sipas një burimi të AP nga një burim evropian.
Shuma prej 500 milion euro është një shtesë në 6 miliardë euro të akorduara në bazë të një marrëveshje të lidhur në vitin 2016 për të financuar programet e nisura nga OJQ-të për afro 3.7 milion refugjatë sirianë në Turqi, shpjegoi burimi.
Nga ana tjetër, Komisioni Evropian i udhëhequr nga Ursula von der Leyen, propozon të thjeshtojë dhënien e vizave për shtetasit turq.
Ministri i Jashtëm i Bashkimit Evropian Josep Borrell të Mërkurën njoftoi zhbllokimin e një fondi prej 170 milion euro për më të prekurit në Siri.
Këto masa synojnë të qetësojnë Ankaranë, e cila ka vendosur të lërë të lirë migrantë dhe refugjatë që të mësyjnë drejt Evropës.
“Nëse vendet evropiane duan të zgjidhin problemin, ata duhet të mbështesin zgjidhjet politike dhe humanitare të Turqisë në Siri,” tha Presidenti Erdogan. /tesheshi.com/
