Situata në Maqedoni po përkeqësohet prandaj BE është shprehur thellësisht e shqetësuar për vendin, për çka rekomandon hetim të përmbajtjes së incizimeve të publikuara këto ditë nga opozita.
Kjo është konkluza të cilën sot e miratoi takimi i ministrave të jashtëm të BE-së, në Luksemburg.
“Këshilli shpreh shqetësimin e tij shumë serioz rreth përkeqësimit të situatës në vend, veçanërisht në sundimin e ligjit, të drejtat themelore të njeriut dhe lirisë së mediave të cilat paraqesin zemrën e vlerave demokratike të BE-së dhe politikës së saj të zgjerimit”,-shkruan në konkluzën të miratuar, në të cilën po ashtu thuhet se të gjitha këto probleme duhet të zgjidhen nga liderët politikë në interes të qytetarëve të vendit, sundimit të ligjit dhe stabilitetit politik.
Këshilli pret që të gjitha palët e përfshira në konfliktin politik të fillojnë një dialog konstruktiv për të rikthyer besimin në institucionet politike.
“Të gjitha akuzat duhet të hetohen nga autoritetet përkatëse duke përfshirë edhe akuzat për keqpërdorimet eventuale që po publikohen” kërkon BE-ja, që me pak fjalë, nënkupton hetim në lidhje me përmbajtjen e materialit të përgjimeve të cilat nuk mund të injorohen sikur nuk ekzistojnë fare./tesheshi.com/
