Vendimi i qeverisë sllovake për të pranuar vetëm 200 sirianë të krishterë si azilantë në këtë vend, është dënuar nga zyrtarët e Bashkimit Europian dhe ata të Kombeve të Bashkuara.
Sllovakia pak ditë më parë deklaroi se vendosur të pranojë vetëm të krishterë, sepse “ata kanë potencial të madh për t’u integruar në shoqërinë sllovake”, për shkak se vendi ka shumë pak muslimanë dhe asnjë xhami.
“U bëjmë thirrje vendeve që të mos diskriminojnë”, reagoi Babar Baloch, zëdhënës i Agjencisë për Refugjatë të Kombeve të Bashkuara, për rajonin e Evropës Qendrore.
“Refuzimi i refugjatëve për shkak të fesë, është diskriminim i hapur”, shtoi në të njëjtën linjë, edhe sekretari i përgjithshëm i Këshillit të Evropës, Thorbjorn Jagland.
“Sllovakia duhet të ndryshojë pozicionin e saj”, nënvizoi ai.
Sllovakia, Republika Çeke, Hungaria dhe Polonia, në muajin qershor, kanë bllokuar një plan të Bashkimit Evropian që vendet anëtare të ndajnë barrën e refugjatëve që arrijnë në Itali dhe Greqi, duke vendosur kuota për secilin vend. /tesheshi.com/
