Zyra e Statistikave të Bashkimit Evropian (Eurostat), në një raport për tremujorin e parë të vitit 2020, parashikon një rënie ekonomike në BE prej 3.5 përqind dhe në zonën e euros prej 3.8 përqind, rënia më e madhe, thonë ata, që nga fillimi i matjes së këtyre statistikave.
Eurostat deklaron se në tremujorin e parë të vitit 2020, në vendet që përdorin monedhën e përbashkët euron, PBB do të ulet me 3.8 përqind në krahasim me tremujorin e kaluar.
Për të njëjtën periudhë në nivelin e BE-së, parashikohet një rënie ekonomike prej 3.5 përqind e PBB-së.
Eurostat deklaron se në tremujorin e katërt të vitit 2019, para fillimit të pandemisë COVID-19, PBB-ja e Eurozonës u rrit me 0.1 dhe 0.2 përqind në BE.
Në të njëjtën kohë, Byroja e Analizave Ekonomike e SHBA-së deklaron se PBB-ja e SHBA ka parë rezultatet e saj të para negative që nga viti 2014 në tre muajt e parë të vitit 2020.
Rënia e PBB-së amerikane në tremujorin e parë të vitit 2020 vlerësohet në minus 4.8 përqind.
Ajo ka qenë rënia më e rëndësishme në ekonominë e SHBA që nga recesioni i vitit 2008.
Byroja e Analizave Ekonomike në Sh.B.A gjithashtu pret një rënie të mprehtë të konsumit personal prej 7.6 përqind në tremujorin e parë të vitit 2020 nga – 3.6 siç ishte parashikuar më parë.
SHBA gjithashtu vëren një rritje historike të numrit të aplikimeve në zyrën e papunësisë, ku 26 milion njerëz kanë kërkuar ndihmë në pesë javët e fundit. /tesheshi.com/
