Uashingtoni dhe Brukseli përshkallëzojnë presionin ndaj një pjese të politikës që synon të prishë proceset e nisura me BE-në dhe SHBA-në.
Donald Lu dhe Romana Vllahutin në një takim me gazetarë kanë bërë të ditur se pasojat që do të ketë vendi në rast dështimi të reformës në drejtësi do të jenë katastrofike por edhe në efektin boomerang që do të ketë për ata që nuk do ta miratojnë.
Ambasadorët i kërkuan medias të kontribuojë në përcjelljen e rëndësisë së këtij proçesi që synon pastrimin e sistemit gjyqësor nga elementët e korruptuar si dhe shprehën gatishmërinë t’i kërkojnë ndihmë shoqërisë civile të organizojë një marshim paqësor për reformën në drejtësi, si një mesazh drejtuar politikës e cila duhet ta përfundojë këtë proçes sa më parë.
Ambasadorët kanë bërë me dije se SHBA ka përgatitur edhe një projektligj për Byronë Kombëtare të Hetimit për të cilën kanë marrë edhe konsensusin e dy partive kryesore në vend dhe presin miratimin, së bashku me ligjin e dekriminalizimit.
“Një izolim i ri i Shqipërisë nga ndërkombëtarët dhe bakstisje e investitorëve të huaj do të jetë fati i vendit në rast se reforma në drejtësi nuk miratohet”, përsëritën Lu dhe Vlahutin në fund të takimit, i cili u zhvillua pikërisht në momentet kur opozita po manifestonte para kryeministrisë. /tesheshi.com/
