Ndërsa ekspertët evropianë pretendojnë se mediat shtetërore ruse po përhapin lajme të rreme, me qëllim të dëmtimit të besimit të publikut në aftësinë e sistemeve shëndetësore evropiane për të përballuar koronavirusin, Moska thotë se këto akuza janë histori të rreme pa prova.
Një raport i AP tha që ekspertët e BE-së kanë regjistruar gati 80 dezinformata në lidhje me virusin koronar në dy muajt e fundit, duke përfshirë atë që virusi është një armë biologjike e bërë nga Perëndimi.
“Fushata synon të krijojë konfuzion, panik dhe frikë, t’i parandalojë njerëzit të marrin informacion të besueshëm në lidhje me virusin dhe masat e sigurisë publike”, thuhet në raport.
Në këtë drejtim, ata tregojnë për mbulimin e lajmeve me këtë temë nga media ruse nga Rusia Today, Sputnik, Gjeopolitics dhe të tjerët.
Nga ana tjetër, zëdhënësja e Ministrisë së Jashtme ruse Maria Zaharova thotë se akuzat e Brukselit janë lajme të rreme në vetvete, raporton Tass.
“Ne nuk duhet të dëshmojmë asgjë. Nëse ka akuza, duhet të ketë prova. Nëse nuk ka prova, nuk mund të paraqitet asnjë akuzë,” tha ajo, duke shtuar se nuk është hera e parë që Brukseli ka provuar të fajësojë Moskën për problemet e veta. /tesheshi.com/
