Komisioneri Evropian për Politikë të Fqinjësisë dhe negociata para-aderuese, Johannes Hahn, të hënën vjen në Shkup bashkë me treshen e eurodeputetëve Ivo Vajgl, Riçard Hovit dhe Eduard Kukan, në mënyrë që vazhdojë ndërmjetësimi për kapërcimin e ngërçit politik në Maqedoni.
Han vjen në Shkup përkundër informacionit fillestar të Brukselit zyrtarë se nuk do të dërgojë përfaqësues në Maqedoni për të lehtësuar dialogun politik, i cili nga Strasburgu ku u zhvilluan bisedimet mes kryeministrit Nikolla Gruevski dhe liderit të LSDM-së opozitare Zoran Zaev, zhvendoset në Shkup.
Kabineti i komisionerit Hahn ka konfirmuar informacionin se ai së shpejti do të vizitojë Maqedoninë, por agjendën e saktë do ta shpalosin të premten me detaje precize.
Sipas të gjitha gjasave, Han do të vijë të hënën, për kur është caktuar një raund i ri bisedimesh midis Gruevskit, Zaevit dhe liderëve politikë shqiptarë, Menduh Thaçi dhe Ali Ahmeti, për të cilën gjë ka informuar treshja e deputetëve evropian./tesheshi.com/
