Bashkimi Evropian po flet me një zë, duke dënuar vendimin e Bjellorusisë për të lejuar migrantët e paligjshëm të kalojnë në Lituani në përgjigje të sanksioneve të BE, tha Presidenti i Këshillit Evropian Charles Michel.
Qeveria lituaneze shpalli një gjendje të jashtëzakonshme në të gjithë vendin të premten, pasi fluksi i migrantëve kryesisht irakianë që mbërrinin nga Bjellorusia arriti në 150 në ditë, më shumë sesa kishte hyrë çdo vit në tre vitet e mëparshme, raportoi Reuters.
“Kolegët e mi nga Këshilli Evropian e kanë shumë të qartë se … autoritetet bjelloruse po përdorin migracionin e parregullt për të bërë presion mbi BE, duke përfshirë Lituaninë,” tha Michel në një konferencë të përbashkët shtypi në Vilnius me presidentin lituanez Gitanas Naused.
Ai deklaroi se BE-ja dënon me zë të lartë dhe unanimisht presionin e ushtruar nga përdorimi i migrantëve dhe shtoi se ai dëshironte të shprehte solidaritetin e BE-së.
“Dëshira ime personale është të bind Lituaninë për solidaritetin e vendeve anëtare,” theksoi Michel.
Presidenti i Këshillit Evropian tha se ai do të fliste me kryeministrin irakian javën e ardhshme për riatdhesimin e shtetasve irakianë. /tesheshi.com/
