Bashkimi Evropian ka përgatitur një paketë ndihme prej 960 milion € për gjashtë vende të Evropës Lindore për të luftuar sëmundjen Covid-19 dhe për të lehtësuar pasojat ekonomike dhe sociale të krizës, njoftoi Presidenca e BE-së.
Në një video-konferencë, ministrat e jashtëm të BE diskutuan situatën në Ukrainë dhe politikën e Partneritetit Lindor, e cila, përveç Ukrainës, bashkon Armeninë, Azerbajxhanin, Bjellorusinë, Gjeorgjinë dhe Moldavinë.
Unioni, me gjashtë fqinjët e tij, shënoi përvjetorin e dhjetë të iniciativës vitin e kaluar dhe do t’i ndihmojë ata të përballen me pandeminë dhe pasojat e saj, tha Ministri i Jashtëm kroat Gordan Grlic Radman.
“Eshtë rënë dakord që për shkak të rrethanave aktuale, vëmendja do t’i kushtohet dimensionit shëndetësor në periudhën tjetër. Komisioni Evropian ka përgatitur një paketë ndihme prej 960 milion euro për këtë qëllim,” shtoi ai.
Ministrat diskutuan gjithashtu për konfliktin në Libi dhe ranë dakord se ishte “vendimtare për vendin që të sigurojë ndihmë humanitare dhe të veprojë, sa të jetë e mundur, për të zvogëluar presionin e migracionit dhe për të parandaluar një valë të re të pandemisë në Evropë”, tha ministri kroat. /tesheshi.com/
