BDI ka gjasa të shtyjë zgjedhjet Brenda partisë për një kohë pas zgjedhjeve të parakohshme të pranverës së ardhshme. Mediat thonë se një vendim I tillë mund të merret nga drejtuesit e kësaj partie, si një mënyrë për të shmangur tensioned në prag të zgjedhjeve parlamentare.
Ideja po diskutohet në forumet e larta të partisë, e cila së fundmi ka njohur disa incidente të lidhura me njerëz të saj që synonin të zgjidheshin në strukturat drejtuese, ndërsa në Kumanovë pati edhe një incident të armatosur.
“E mundur është që gjithë procedura të shtyhet për pas zgjedhjeve parlamentare në pranverë, për të mos u ngritur tensione. E gjithë energjia e partisë do të orientohet në zgjedhjet parlamentare, konsolidimin e partisë dhe unitetit mes funksionarëve…”, ka thënë për gazetën “Dnevnik” një funksionar i BDI-së.
Kryetari i BDI-së, Ali Ahmeti sipas agjencisë INA, do të sfidohet në Kumanovë për drejtimin e degës locale. Por, deri në zgjedhje, dhenë degë do të drejtojnë kryetarët dhe kryesitë e deritanishme partiake. /tesheshi.com/
