Gazeta maqedonase Dnevnik ka zbuluar qëndrimet e Bashkimit Demokratik për Integrim lidhur me kryqin gjigant që Kongresi Botëror Maqedonas pretendon ta ndërtojë në komunën Butel të ShkupitSipas kësaj gazete, partia e Ali Ahmetit do të jetë në stand-bay. Kjo nënkupton se Bashkimi Demokratik për Integrim do të aktivizojë të gjitha masat që të pengojë ndërtimin e kryqit, nëse komuna vazhdon me punët ndërtimore.
“Kryq në Butel nuk do të ketë dhe këtë e kanë të qartë të gjithë. Nuk ka marrëveshje se çfarë do të ndërtohet në rreth-rrotullimin. Nëse komuna vazhdon me punime, atëherë do të ketë probleme të mëdha. BDI është në stand-bay. Presim. Nëse vazhdon ndërtimi i kryqit, atëherë në mënyrë institucionale do t’i përdorim gjitha masat që të pengojmë ndërtimin e saj”, ka thënë për “Dnevnik” një funksionar i lartë i BDI-së, duke shtuar se edhe krahas demantit të VMRO-së, bisedime me partinë e Nikolla Gruevskit ka dhe se ato zhvillohen në nivel të lartë.
Dhe, derisa kjo duhej të fitonte konfirmim nga Kryesia qendrore e BDI-së në Reçicë të Vogël, të cilët kishin pasur takim urgjent për të diskuturar rreth kryqit, para MPB-së edhe dje protestuan qytetarë dhe kryetari i komunës së Butelit, Petre Latinovski, me kërkesë që policia të sigurojë lokacionin që të vazhdohet të ndërtohet kryqi, shkruan gazeta “Dnevnik”.
Nga ana tjetër për dallim nga BDI, VMRO mbetet në pozicionin se negociata për kryqin me partnerin e koalicionit nuk ka, pasi ata nuk janë iniciatorët e ndërtimit të simbolit fetar dhe se nuk do të bisedojnë më emër të dikujt tjetër.
Ndryshe kryqi gjigant në lartësi prej 55 metrave që planifikohet të ndërtohet në komunën Butel të Shkupit, është votuar nga Këshilli Komunal i kësaj komune por pa respektuar parimin e Badenterit(pakicës shqiptare), dhe është antikushtetuese. /tesheshi.com/
