Tre parti shqiptare, BDI, BESA dhe Aleanca për Shqiptarët kanë rënë dakort për të përpiluar një listë të përbashkët për këshilltarë në Komunën e Gazi Babës.
Bashkësia Lokale “Alija Avdoviq”-Hasanbeg mundësoi që të gjithë kryetarët e degëve të Gazi Babës nga partitë shqiptare, të bashkohen.
Lëvizja BESA është përfaqësuar nga Fatmir Shaqiri, BDI nga Ali Sadiku dhe Aleanca për Shqiptarët nga Shefik Ukiqi. Ata u bashkuan dhe vendosën që në zgjedhjet lokale në komunën e Gazi Babës për këshilltarë komunalë të garojnë me listë të përbashkët.
Në këtë komunë, partitë shqiptare nuk kanë nxjerrë kandidatët e tyre për kryetarë, pasi përbëjnë pakicë kundrejt maqedonasve.
Por vlerësuar se të ndarë mund të mos kalonin pragun elektoral për të pasur këshilltarë, ata vendosën të bashkohen dhe t’i japin mundësinë vetvetes që kenë përfaqësuesit e tyre. /tesheshi.com/
