Një vajzë 3-vjeçare nga Siria, e cila mësohej nga babai i saj që të qeshte me uturimën e bombave, në mënyrë që të mos kishte frikë prej tyre, është e sigurt në Turqi, raportoi BBC.
Salva bëri tituj në të gjithë botën kur u shfaq videoja e shtëpisë së saj në Idlib në të cilën u dëgjoheshin shpërthime bombash në sfond, dhe ajo qeshte ndërsa babai i saj e mësonte që t’i përjetonte si lojë.
Qeveria turke e ndihmoi atë dhe familjen e saj të kalonin kufirin javën e kaluar, raportoi BBC.
Idlib është streha e fundit e opozitës siriane. Gati një milion refugjatë nga Siria kanë ardhur në kufirin siriano-turk që nga dhjetori në mes të luftimeve të ashpra në Idlib.
Salva dhe babai i saj, Abdullah Muhamed, e kuptuan se si të veprojnë me bombardimet e vazhdueshme nga të cilat ajo frikësohej.
what a sad world,
To distract 4-year old Selva, her father Abdullah has made up a game.
Each time a bomb drops in Idlib #Syria, they laugh, so she doesn’t get scared.
— علی مصطفی | Ali Mustafa (@Ali_Mustafa) February 17, 2020
Ai i tha asaj të qeshi me bombat në vend që të frikësohej prej tyre. Kur u publikua video, ajo u përhap në mbarë botën dhe shkaktoi simpati për shumë njerëz, dhe qeveria turke shpejt e ndihmoi familjen të shpëtonte nga Siria, raportoi BBC.
Ata kaluan kufirin në 25 shkurt, sipas Agjencisë Anadolu. U raportua se ata u transportuan në një kamp në jug të Turqisë, dhe menjëherë pas kësaj, gazetari i Guardian, Bethan McKernan tëeetoi një foto të Salvas dhe babait të saj.
“Për herë të parë, ajo mund të qeshë me gjërat normale,” shkroi ai.
Babai i saj u tha mediave turke se u përpoq të dërgonte një sinjal në bashkësinë ndërkombëtare përmes videos që ata regjistruan. Ai shtoi se është i lumtur sepse ndodhet në Turqi dhe sepse Salëa do të jetë në gjendje të shkojë në shkollë.
“Shpresoj se konfliktet në Siri do të përfundojnë së shpejti dhe se ne do të jemi në gjendje të kthehemi”, përfundoi ai. /tesheshi.com/
