Sekretari i Përgjithshëm i OKB-së ka bërë thirrje për një hetim të pavarur për vdekjet e civilëve në Ukrainë pasi Rusia u padit për krime lufte.
Ndërsa forcat ukrainase u rihynë në zonat pranë kryeqytetit Kiev, pasi rusët u tërhoqën, ata thuhet se gjetën qindra trupa dhe varre masive në qytetin e Bucha-s.
Ekipi i BBC hyri në vende jo shumë larg Kievit pas tërheqjes së ushtrisë ruse. Ata filmuan trupat e civilëve që u qëlluan dhe të shtrirë në rrugë, disa me duar dhe këmbë të lidhura.
Irina Kostenko tregoi se çfarë ndodhi më 10 mars, ditën kur rusët vranë djalin e saj të vetëm Alexei.
Ata jetonin në një shtëpi të vogël, afër vendit ku punonte Alexei. Ajo tregoi se dhoma e Alexeit u shkatërrua nga granatimet, disa javë para se ai të vritej.
“Unë jam plotësisht vetëm tani. Djali im ishte i ri, ai ishte vetëm 27 vjeç. Ai thjesht donte të jetonte,” tha Irina Kostenko për BBC.
Ajo i tha BBC-së se djali i saj duhej të kishte shkuar në punë ditën kur u vra. Ai u vra kur rusët arritën në qytet. Irina e varrosi djalin e saj në oborrin e shtëpisë së saj pasi e solli trupin e tij nga rruga në një karrocë.
“Varrin e kam mbuluar me batanije për ta mbrojtur nga qentë. Nuk ka arkivol, më është dashur ta mbështjella me tapet”, thotë Irina mes lotësh.
Ai thotë se rusët erdhën me xhipa dhe me pushkë, e vranë dhe u larguan. /tesheshi.com/
