Të paktën dhjetë oficerë policie janë arrestuar në Kosovë gjatë një operacioni të madh për të mbyllur kazinotë e paligjshme, raporton BBC, duke e patur dhe ajo në skaletën e zhvillimeve atë çfarë ndodhi e po ndodh në Karaçevë të Gjilanit, fshat në kufi me Serbinë.
Kryeprokurori i Gjilanit, Jetish Maloku u tha gazetarëve se policia kishte arrestuar të paktën 35 persona nën dyshimin e lojërave të fatit të paligjshëm, prostitucionit dhe kontrabandës me njerëz, armë dhe drogë.
Policia theksoi se ky ishte operacioni më i madh i këtij lloji i kryer në Kosovë që pasoi një hetim 1-vjeçar.
Vitin e kaluar, Kosova ndaloi të gjitha llojet e lojërave të fatit me synimin për të ulur shkallën e krimit.
Kryeministri i Kosovës Avdullah Hoti tha se masat e reja kanë për qëllim “forcimin e sigurisë së përgjithshme të qytetarëve”. /tesheshi.com/
