Baza e PS-së e infektuar nga LSI-ja: Rama nis verifikimin në çdo organizatë

Turi i Ramës në bazë për të shpjeguar 2-vjeçarin e qeverisjes ka qenë një odise më vete për kryeministrin dhe ministrat e tij. Edhe pse pjesëmarrja është kuruar nga stafi i kreut të qeverisë, ombrdimi që ka ardhur nga militantët ka qenë një rezultante: braktisja që i kanë bërë deputetët të zgjedhurve.

Një skandal i madh ka ndodhur pikërisht në kryeqytet në njësinë numër 7, ku Vasilika Hysi, deputete e zonës ka mbledhur të gjithë komisionerët e dy zgjedhjeve të fundit dhe ka mësuar se më shumë se një e treta e tyre janë punësuar nga LSI-ja.

E alarmuar Hysi ka nisur t`u kërkoj llogari aktivistëve por ka marrë një batare kritikash për çështjen e punësimit.

Pas këtij incidenti, Rama ka ndryshuar strategji duke bërë takime fillimisht me drejtues të organizatave për të shpjeguar logjikën e situatave dhe brenda PS-së, si dhe ka nisur një “hetim” për të parë se kush janë punësuar nga LSI-ja brenda organizatave të PS-së.

Nëse kjo do të rezultojë vërtet një situatë e rëndë, atëherë pritet shkrirja e një numri të madh organizatash socialiste. Por vetë Gramoz Ruçi në mbledhjen e fundit të kryesisë ka ngritur alarmin se gjendja është e rëndë dhe kërkon verifikim në terren.

Pra, prej zgjedhjeve të vitit 2013 dhe konkretisht në zgjedhjet e 21 qershorit 2015, LSI-ja e Metës është futur brenda strukturave socialiste për të marë votat. Dhe kjo u pa qartë në Tiranë dhe strukturat socialiste.

Kjo gjendje ka krijuar një problem me të vërtetë të pajustifikueshëm, dhe ndaj Rama ka marrë vendim që të ç’regjistrojë të gjithë struturat dhe të nisë nga e para “censusin socialist”. Që do të thotë: kush është me PS-në nuk ka punë me LSI-në.

Në mbledhjen e sotme është ngritur një strukturë e ngushtë e drejtuar nga Rama e përbërë Rucci, Tahiri, Leli dhe Peleshi, të cilët do të kalojnë në sitë çdo ikje nga LSI-ja, e cila do të konsiderohet “tradhëti”…partiake!

/tesheshi.com/