Në vendimet e fundit të qeverisë, kumtuar nga tre ministra, veçon nisja në janar e ndërtimit të bazës së re të NATO-s në Kuçovë, më saktë rindërtimi i bazës ajrore të komunizmit, i cili tashmë do jetë hë shërbim të Aleancës Atlantike, ku bën pjesë dhe Shqipëria.
“Sapo miratuam edhe një vendim, i cili ishte propozim i Ministrisë së Mbrojtes dhe që lidhet me projektin më madhor në fushën e Infrastrukturës të FA bëhet fjalë për bazën ajrore të Kuçovës, e cila me vendimin e sotëm kompleton bazën e rregullatorit dhe i hap rrugën fillimit të punimeve.
Pra, në ditët e para të janarit do vendosim ‘gurin e parë. Një lajm shumë i mirë edhe për ata për familjet që preken nga vendimi i sotëm shpronësimit dhe i siguroj dhe do shpronësohen në vlerë të tregut të sotëm dhe asnjë vonesë.
Është mbi 50 milion euro investim që do të thotë zhvillim ekonomik dhe punësim për zonën përreth. Një lajm i mirë për sigurinë e rajonit. Po i vendosim në kontekstin e zhvillimeve të fundit,” tha ministri i linjës Niko Peleshi.
Një vendim tjetër kishtë të bënte me Rindërtimin. Zëvendëskryeministri Arben Ahmetaj, njëherësh i ngarkuar me këtë proces, tha se është rritur me 7 miliard lekë financimi për Rindërtimin këtë vit.
“Sot kaluan një grup vendimesh për Rindërtimin të cilat bëjnë avancim të konsiderueshëm të financimit për bashkinë e Tiranës dhe për të 10 bashkitë e tjera. Llogaria e Rindërtimit, pra i gjithë fondi i Rindërtimit, kalon nga 28 miliardë lekë në 35 miliardë lekë. Avancimi është bërë për të përshpejtuar të gjitha proceset e Rindërtimit”. /tesheshi.com/
