Bayraktar-ët në dorë të ukrainasve, Rusia i ankohet Turqisë

Rusia i është ankuar Turqisë se ushtria ukrainase po përdor drone të prodhuar prej saj në fushëbetejë.

Duke folur në një konferencë për media, një zyrtar turk tha se Ankaraja i kishte thënë Moskës se prodhuesi turk i dronëve Baykar Technologies ishte një kompani private dhe se blerja e dronëve nga Ukraina ishte përfunduar para luftës.

Sipas CNN, zyrtarët ukrainas i konsiderojnë dronët Bayraktar TB2 të Baykar si një nga armët më efektive në arsenalin e tij. Ata janë quajtur “vrasës të tankeve ruse”.

Javën e kaluar, CNN-it iu dha akses i rrallë në impiantin e prodhimit në Turq, ku dhe foli me shefin e teknologjisë Selcuk Bayraktar.

Bayraktar, i cili është gjithashtu dhëndër i presidentit turk Rexhep Tajip Erdogan, tha se droni po bën atë për të cilën ishte projektuar. /tesheshi.com/