Autoritetet italiane njoftuan pak më parë se ofertuesi për blerjen e Piaggio Aviation historik është Baykari turk.
Turqia po përparon me shpejtësi të madhe në zgjerimin e industrisë së saj të luftës dhe në fakt po investon fonde shumë të rëndësishme jo vetëm brenda vendit por tani edhe në Evropë.
Pak më parë, autoritetet italiane njoftuan se pas kontrollit të ofertave, industria historike italiane Piaggio Aviation po kalon në duart e Ankarasë. Oferta e turkut Baykar, sipas informacioneve të para, ishte më e mira nga një sërë ofertash dhe së shpejti do të ketë edhe firmat përkatëse.
Baykar është sot kompania më e madhe e prodhimit të dronëve në botë me aksione që kalojnë 60% dhe po vazhdon për herë të parë të blejë një kompani evropiane, në rastin konkret, një me më shumë se 140 vjet histori.
Siç raportojnë mediat italiane, Baykar nuk ka ndërmend të ndalojë prodhimin e produkteve italiane të kompanisë, por me blerjen do të vazhdojë të promovojë nën ombrellën e saj P.180 Avanti, me nofkën “Ferrari i qiejve”. Me këtë blerje të veçantë, Turqia fiton akses në motorët e avancuar të avionëve, duke forcuar më tej pozicionin e saj në prodhim.
Vlen të theksohet se në vitin 2023 Baykar ishte ndër 10 kompanitë më të rëndësishme përsa i përket eksporteve në Turqi me një vëllim eksporti që arriti në 1.8 miliardë dollarë. Madhësia e Baykar nuk është e rëndësishme vetëm për zonën më të gjerë evropiane por edhe për anën tjetër të Atlantikut pasi sot kompania turke ka aksione tre herë më të mëdha edhe se kompanitë përkatëse amerikane. /tesheshi.com/
