Bayern Munich praktikisht “e ka vrarë” Bundesligën, pasi ka fituar 2-1 me Shalke 04. Trajneri Heyckens nuk e ka patur shumë problem që skuadra do të luajë në mesjavë për Champions League, e ka hedhur në fushë skuadrën më të mirë.
Bavarezët kaluan në avantazh me Lewandovski, i cili shënoi nga afër, pasi portieri grushtoi një gjuajtje të Thomas Mueller. Bayern vijon të kontrollojë lojën, por një kundërsulm i miqve, i kap të papërgatitur mbrojtësit e Di Santo barazon rezultatin. Por pa u mbyllur pjesa e parë, një kombinim i Robben me Mueller, nxjerr në pozicion gjuajtjeje sulmuesin, që shënon nga një pozicion i prirët.
Rezultati nuk ndryshon edhe në pjesën e dytë, duke bërë që bavarezët të shkëputen 16 pikë nga ndjekësi më i afërt, Leipzig.
Fiton edhe Borusia Dordmund, që shënoi 2 herë ndaj Hamburgut, me Batshuay dhe Goetze, duke u rikthyer në vendin e tretë.
Në mënyrë surprizë është ngjitur në vendin e katërt, Eintracht Frankfurt, i cili fitoi 4-2 me Freiburg, duke lënë pas në klasifikim, Bayer Leverkusen e Shalke 04. /tesheshi.com/
