Festa më e madhe në Maqedoni në kuadër të zgjedhjeve ka qenë ajo e përkrahasve të BESËS në Çair, pasi arritën të fitonin në këtë komunë simbol të shqiptarëve në Shkup, njëherësh bastion i BDI-së, që qeveriset prej saj dhe në nivel lokal me anë të Izet Mexhitit.
Dhe për Lëvizjen BESA kjo ka qenë një fitore e madhe. Ndërkohë që hapi i saj nuk është ndalur vetëm në Çair.
BESA i rrëmbeu BDI-së dhe Kumanovën, por pa Likovën, ndërkohë që për shumë pak vota nuk e morri dhe këtë të fundit; i mori Bervenicën, Shuto-Orizaren, Butelin dhe Zhelinën, të gjitha pra bastione të BDI-së. Ndërsa PDSH-së i mori Studeniçanin.
BESA nxorri 5 deputetë, ku tre janë të saj e dy nga partia aleate, RDK. Bilall Kasami, Zeqirija Ibrahimi dhe Afrim Gashi janë treshja që hyjnë për herë të parë në parlament në siglën e BESËS, së bashku me Fadil Zendelin dhe Teuta Bilalin nga RDK, duke qënë të pestë nën siglën e Rilindjes me BESË. /tesheshi.com/
