Dymbëdhjetë vitet në përfaqësuesen gjermane kanë marrë fund për mesfushorin Bastian Schweinsteiger, që sot ka bërë të ditur se i ka dhënë fund futbollit ndërkombëtar.
120 ndeshje me bluzën e Gjermanisë, 24 gola të shënuar, e një meritë e posaçme në fitimin e Botërorit të 2014-tës; janë shifra e suksese që mbajnë firmën e 31-vjeçarit.
“Isha në gjendje të luaja në 120 ndeshje ndërkombëtare për vendin tim, e përjetova momente që ishin papërshkrueshmërisht të bukura dhe të suksesshme,” ka shkruar ai në një njoftim për dorëheqjen nga kombëtarja gjermane.
“Ia dolëm, historikisht dhe emocionalisht, të bënim diçka që nuk mund të përsëritet në karrierën time. Prandaj është e drejtë dhe me vend që të dorëhiqem tani.”
Philipp Lahm do të dorëhiqej njësoj dy vite të shkuara, duke ia kaluar shiritin e kapitenit Schweinsteiger-it, për ta përsëritur mesfushori tani të njëjtën gjë.
Schweinsteiger do ta niste karrierën me përfaqësuesen gjermane në 2004-tën, me të cilën do të shpallej fitues dy vite më herët në Brazil, si kampion bote, ndërsa tetë vite më parë, në 2008-tën, do të meritonte medaljen e argjendtë në Europian.
Mesfushori gjerman ëshë në udhëkryq edhe në karrierën te klubi i Mançester Junajtedit. Emri i tij është mes atyre që nuk parapëlqehen nga Mourinho për sezonin e ri. /tesheshi.com/
