Thuajse i shpërfilluar nga Jose Mourinho, i lënë jashtë skuadre nga portugezi në çdo ndeshje zyrtare, mesfushori 32-vjeçar gjerman është përballur me një situatë të pazakontë për të.
Ai u transferua verën e shkuar te Mançester Junajtedi, por për shkak të dëmtimeve dhe formës jo të mirë sportive nuk luajti rregullisht në sezonin e lënë pas. Situata është përkeqësuar me ardhjen e Mourinho-s, që duket të mos e ketë aspak në planet e tij.
Në këto kushte, është përfolur prej ditësh një largim i tij nga klubi anglez. Por ka qenë vetë gjermani që ka lajmëruar të kundërtën, pra, se nuk do të largohet.
Ai ka deklaruar në një postim në një rrjet social: “Mançester Junajtedi do të jetë klubi im i fundit në Europë. I respektoj klubet e tjera, por Mançester Junajtedi ishte i vetmi që më bëri ta lë Bajernin e Mynihut.”
Për të vijuar, “Unë do të jem gati nëse ekipi ka nevojë për mua. Kjo është gjithçka që mund të them për situatën aktuale. Dua t’i falënderoj tifozët për mbështetjen e jashtëzakonshme gjatë javëve të fundit.” /tesheshi.com/
