Gjyqi ndaj basketbollistes amerikane Brittney Griner pritet të nisë në një gjykatë në Moskë, katër muaj e gjysmë pasi ajo u arrestua për transport droge, raporton CNN.
Dy herë kampionia olimpike u arrestua në një aeroport të Moskës më 17 shkurt pasi disa cigare elektronike që përmbanin një lëng me erë të pazakontë, më vonë u zbulua se ishte vaj kanabisi, u gjetën në bagazhin e saj të dorës, thanë doganat ruse në atë kohë.
Nëse Griner dënohet, ajo përballet me dhjetë vjet burg.
Në seancën paraprake të së hënës në Khimki, amerikanes iu zgjat edhe gjashtë muaj, deri më 20 dhjetor.
Griner u arrestua në aeroportin Sheremetyevo, më pak se një javë para se Rusia të dërgonte trupa ushtarake në Ukrainë.
Mediat ruse kanë spekuluar vazhdimisht se Griner mund të jetë pjesë e një shkëmbimi për tregtarin rus të armëve Viktor Bout, i njohur gjithashtu si “Tregtari i Vdekjes”.
Bout po vuan një dënim me 25 vjet burg për komplot për të vrarë shtetas amerikanë dhe për të ndihmuar terroristët.
Sekretari amerikan i Shtetit Antony Blinken theksoi se prioriteti absolut është që Griner, e cila luan për UMMC Yekaterinburg dhe Phoenix Mercury që nga viti 2014, të kthehet në shtëpi. /tesheshi.com/
