Basketbolli botëror, me udhëheqës të ri arab

Sheiku i Katarit, Saudi Ali Al Thani, u zgjodh presidenti i ri i Federatës Ndërkombëtare të Basketbollit në Kongresin e FIBA-s që u mbajt të mërkurën në Manila.

Al Thani u zgjodh unanimisht për të pasuar Khamane Niang.

Në ciklin e kaluar, Al Thani ishte nënkryetar i FIBA-s, ndërsa nga viti i kaluar ishte president i FIBA-s në Azi, ndërsa më parë ishte kryetar i Shoqatës së Basketbollit të Katarit dhe nënkryetar i Komitetit Olimpik të Katarit.

Interesat e 212 federatave

“Është një nder i madh për mua të marr këtë përgjegjësi: për mua, për vendin tim Katarin dhe për kontinentin tonë Azi. Tani përfaqësoj interesat e të 212 federatave kombëtare në të pesë rajonet”, theksoi ai me marrjen e detyrës.

“Basketbolli është një sport global dhe është forca jonë më e rëndësishme. Sot mund të premtoj vetëm një gjë, ajo është se do të punoj shumë me drejtuesit e FIBA-s dhe gjithë Komitetin për të mirën e basketbollit dhe për të mirën e FIBA-s”.

Komiteti i ri Olimpik do të mblidhet më 9 shtator përpara përfundimit të Kampionatit Botëror të Basketbollit të këtij viti, i cili do të mbahet nga 25 gushti deri më 10 shtator në Japoni, Filipine dhe Indonezi. /tesheshi.com/