Bashkimi i votave mes Partisë Socialiste dhe asaj Demokratike për të ndryshuar Kushtetutën ka tronditur situatën politike në vend. Në një kohë që në një televizion afër Ilir Metës që është “Ora News”, gazetari Ylli Rakipi bënte skanerin e “duelit të heshtur” Rama-Meta, në një televizion tjetër “dashamirës” me kreun e LSI-së, “News 24”, Andi Bejtja një nga kritikët më të fortë të Edi Ramës, deklaroi se një aleancë e madhe mes PS-së dhe PD-së jo vetëm nuk do të funksiononte, por do të sillte trazira në politikën shqiptare.
Në fakt konsensusi i madh është mirëpritur në kor nga të gjithë aktorët ndërkombëtarë që mbrëmë reaguan të gjithë në kor, si ambasada e SHBA-së por edhe eruodeputetët Flickenstein dhe Kukan.
Por një reagim i Komisionerit të BE-së për Zgjerimin, Johanes Hahn, ka qenë më i rëndësishmi në këtë mes.
“BE rithekson se Shqipëria po përballet me një numër të madh sfidash delikate të reformave, të cilat kërkojnë një dialog konstruktiv mes të gjitha partive politike. Progresi me axhendën e kësaj reforme është mjaft i rëndësishëm që vendi të ecë përpara në rrugën e tij drejt integrimit europian, si dhe të garantojë më tej rrënjosjen e sundimit të ligjit”, deklaroi Hahn.
Në fakt, edhe pse bëhet fjalë për dekriminializimin dhe që në këtë aspekt është prekur shumë kryesisht nga opozita pasi e ka “kalë” të betejës politike që realisht e fitoi, ndërkombëtarët më shumë bënë fjalë siç e thotë dhe deklarata e BE-së tek konsensusi.
Por, ç’ndodh nëse arrihet një bashkim tjetër votash PS-PD për Reformën në Drejtësi dhe përkatësisht për ndryshimet Kushtetuese?
Ngjarjet e vitit 2008, kur Edi Rama dhe Sali Berisha bënë marrëveshje për të dobësuar Presidentin e Republikës dhe forcuar Kryeministrin, egërsuan LSI-në. Në këtë rast, një pakt Rama-Basha jo thjeshtë do të egërsojë LSI-në, por do të çojë Ilir Metën në një luftë pa kompromis, një lloj beteje fatale me Edi Ramën deri në shkatërrimin e njëri-tjetrit. Por nëse zbatohej Reforma në Drejtësi, atëherë bëhet fjalë në vendimet që do të marrë Kuvendi, mazhoranca PS-PD do të duhet të vazhdojë edhe pas ndryshimit Kushtetutës.
Një lloj “mazhorance e re”, e cila do të çojë ndoshta në atë që palët duket se janë përgatitur: zgjedhjet e parakohshme. Në fakt Rama ka nisur të ndajë sërish certifikatat e legalizimeve…Këtë tezë e mbështeti edhe Blendi Fevziu!/tesheshi.com/
