Këshilli i Bashkimit Evropian miratoi vendimin për vazhdimin e mandatit të përfaqësuesit special për dialogun ndërmjet Kosovës dhe Serbisë dhe çështjet tjera të hapura në Ballkanin Perëndimor, Miroslav Lajçak.
Përfaqësuesi Special i BE-së i është vazhduar mandati për dy vjet, deri më 31 gusht 2024, thuhet në deklaratën e Këshillit të BE-së.
Ish-përfaqësuesi i lartë i bashkësisë ndërkombëtare në Bosnje dhe Hercegovinë dhe ish-kreu i diplomacisë sllovake u emërua në këtë detyrë në prill të vitit 2020, me propozimin e kreut të diplomacisë së BE-së Josep Borrell dhe me pëlqimin e të gjithë krerëve të diplomacisë së Unionit.
Detyra e përfaqësuesit special të BE-së është të arrijë një normalizim gjithëpërfshirës të marrëdhënieve ndërmjet Serbisë dhe Kosovës dhe të kontribuojë në forcimin e marrëdhënieve të fqinjësisë së mirë dhe pajtimin ndërmjet partnerëve në Ballkanin Perëndimor.
Për më tepër, detyra e saj është të ndihmojë vendet e Ballkanit Perëndimor të kapërcejnë trashëgiminë e së kaluarës dhe të kontribuojnë në qëndrueshmërinë dhe efektivitetin e aktiviteteve të BE-së në Ballkanin Perëndimor. /tesheshi.com/
