Drejtuesit e Bashkimit Afrikan (AU) kundërshtuan planin e Presidentit amerikan Donald Trump për konfliktin izraelito-palestinez, duke thënë se ai shkel shumë rezoluta të Kombeve të Bashkuara.
Ata u mblodhën të dielën në kryeqytetin Etiopisë Addis Ababa për Samitin e 33-të të Bashkimit Afrikan, i cili përqendrohet në zgjidhjen e konflikteve dhe zhvillimin në Afrikë.
Kryetari i ri i Bashkimit Afrikan, Presidenti i Afrikës së Jugut Cyril Ramaphosa, e krahasoi planin e SHBA me regjimin e aparteidit.
“Kjo më kujtoi historinë e tmerrshme që kaluam në Afrikën e Jugut,” tha Ramaphosa, i cili mori përsipër kryesimin e Unionit nga Presidenti egjiptian Abdel Fatah al-Sisi.
Samiti dy-ditor i Bashkimit Afrikan mbahet me temën “Armët e heshtjes”.
Ai është një projekt i filluar në 2013 dhe synon që të transformojë vendet afrikane gjatë 50 viteve dhe të vendosë siguri dhe paqe në të gjithë kontinentin. /tesheshi.com/
