Gjergj Bojaxhi, ish zëvëndësministër i PD-së dhe kreu i Policisë Ndërtimore, ka shfaqur kontestimet e tij për një urë të re që po ndërtohet mbi Lanë, në përballë ish-Ekspozitës, paralel me atë ekzistuese. Sipas tij, për këtë urë nuk është ndjekur asnjë ligj a rregull.
Madje, ka thënë Bojaxhi, nëse do kishte vërtet shtet policia do kishte ndërhyrë për të ndaluar në emër të ligjit ata që po e ndërtojnë atë.
Por reagimi nga Bashkia e Tiranës ka qenë tejet politik. Numri 2 i këtij institucioni, Arbjan Mazniku, e ka parë reagimin e Bojaxhit si të një njeriu të Berishës.
“Ne kemi patur me qindra mijëra kërkesa nga qytetarët, të cilët thoshin se kishin nevojë për një urë të re. Nuk e gjej dot arsyen përse ka disa njerëz, politikanë të Saliut që nuk duan që gjërat në qytet të bëhen më mirë.
Kjo është një urë e cila do ta bëjë më të thjeshtë e më të këndshme jetën e qytetarëve dhe është një dobi e madhe për qytetin”, ka thënë ish-mjaftisti i njohur si krahu i djathtë i Veliajt, si dje e si sot. /tesheshi.com/
