Një vendim i Bashkisë së Durrësit për të ngritur një muze të Nënë Terezës nën këmbët e xhamisë së madhe të këtij qyteti, ka sjellë reagimin e pjesëtarëve të komunitetit musliman.
Këta të fundit, ndër to dhe drejtues të Myftinisë së Durrësit, kanë reaguar duke e quajtur gati-gati të pabesueshëm këtë vendim, i cili është marrë, sipas tyre, pa pëlqimin e Myftinisë.
Kjo pasi ekziston një marrëveshje mes këtij institucioni dhe Bashkisë që, hapësira poshtë shkallëve të xhamisë, të shfrytëzohet për ekspozita të ndryshme, por gjithnjë në marrëveshjes mes palëve për llojin e lëndës që do ekspozohet.
Një debat i tillë ndodhi dhe vjet, kur Bashkia vendosi të lejojë hapjen e një ekspozite pikture me tablo nudo.
E tashmë, aty do ndërtohet muze i Nënë Terezës, që përgjithësisht për komunitetin e muslimanëve përfaqson një personalitet ngushtësisht fetar.
Por në këtë rast, si dhe në atë të para një viti, delikatesa e problemit qëndron në faktin se ajo hapësirë ekspozuese është pronë vakf e Myftinisë së Durrësit; por meqë ka mbetur e pazgjidhur edhe ligjërisht, është lënë që të shfrytëzohet me mirëkuptim nga ana e Bashkisë; dhe se kjo e fundit ka vepruar duke mos marrë paraprakisht asnjë pëlqim sipas marrëveshjes. /tesheshi.com/
