Komuniteti musliman i Minesotës i ka përcjellë një ftesë presidentit Trump që të dënojë sulmin me bombë në vendfaljen e qendrës islame Dar Al-Farooq.
Reagimi erdhi ndërkohë që Trump përmendi çështje të ndryshme në Twitter, duke filluar nga lavdërimi i votës së Kombeve të Bashkuara për vënien e sanksioneve kundër Koresë së Veriut mbi testet e fundit të raketave, e deri te kritikat e tij drejtuar senatorit demokrat Richard Blumenthal, por pa komentuar aspak sulmin me bombë që shqetësoi la muslimanët e këtij vendi.
Mohamed Omar, një nga drejtuesit e qendrës, tha se Trump është i ftuar që të vizitojë vendin e sulmit, për të parë se çfarë ka ndodhur.
“Ai është presidenti i këtij vendi, dhe kjo na ka ndodhur ne. Ai duhet të vijë këtu dhe të paktën të shprehë ndjenjat e tij dhe të thotë se kjo është një vepër e shëmtuar”, tha Omar.
“Ne po pyesim veten se pse presidenti Trump nuk ka cicëruar për këtë në Twitter,” tha Asad Zaman, drejtor i një shoqate muslimane në Minesota.
“Ai duket se dëshiron të cicërojë rreth çështjeve të sigurisë dhe terrorizmit”.
“Heshtja nga ana e zyrtarëve publik në nivel kombëtar, shërben vetëm për të fuqizuar islamofobët”, tha Ibrahim Hooper, një zëdhënës i Këshillit mbi marrëdhëniet amerikano-islame në një deklaratë, duke bërë thirrje që Trump të dënojë sulmin, njoftoi Los Angeles Times .
Askush nuk u lëndua në shpërthimi, ndërsa pati dëme materiale.
Zyra e FBI-së në Minneapolis nuk ka njoftuar për arrestime dhe as që ka bërë me dije nëse ka identifikuar ndonjë të dyshuar. Në një deklaratë të hënën pasdite, agjenti special Rick Thornton e quajti atë një “krim të tmerrshëm” dhe u zotua se do të përqendrojë të gjitha burimet e disponueshme në këtë rast derisa të zgjidhet.
Guvernatori Mark Dayton e quajti shpërthimin një akt terrorizmi, kur ai dhe zyrtarë të tjerë vizituan xhaminë të dielën.
Për shkak të shqetësimeve të vazhdueshme të sigurisë, një makinë e një kompanie private të sigurimit u parkua jashtë xhamisë të hënën. /tesheshi.com/
