Bashkësia Fetare e Serbisë ka dërguar një letër proteste homologes së saj në Maqedonisë, ku si shkak është një vizitë e kreut të kësaj të dytës, Reis Sulejman Rexhepi në Luginën e Preshevës. Sipas udhëheqësisë zyrtare të muslimanëve në Serbi, Rrexhepi ka takuar në Luginë formacioneve parafetare, duke i përkrahje publike aty një organizmi fetar jo-legjitim, sipas pretendimit të tyre.
“Hidhërim i ynë më i madh është se ju keni vizituar edhe përfaqësues të kësaj organizate në rajonin e Preshevës, të cilën keni tentuar që ta impononi si autoritet fetar të muslimanëve në Luginën e Preshevës, edhe pse e dini se i njëjti është përjashtuar për shkak agresionit dhe përçarjes që ka bërë në Bashkësinë Islame dhe Myftininë e Preshevës”, thuhet në letër-protestën e Bashkësisë Islame të Serbisë.
Ata shtojnë më tej se janë të habitur nga ky veprim, ngase pikërisht, Rexhepi ka pasur përvojë nga rebelimi i imamëve në Maqedoni, të cilët kanë dashur të prishin unitetin e Bashkësisë Islame.
“Kemi menduar se ju do të tregoni sensibilitet ndaj problemeve me të cilat ballafaqohemi dhe as që kemi menduar se personalisht do të vendoseshit në anën e atyre që po e prishin unitetin e Bashkësisë tonë Islame”, thuhet më tej në letër.
“Kjo paraqet një goditje ndaj dinjitetit të Bashkësisë Islame të Serbisë, por edhe BFI-së, së Maqedonisë, duke shtuar se janë të bindur se ulematë dhe hoxhallarët do të kenë forca të përballen me paraqitjet të tilla dhe nuk do të lejojnë individëve të caktuar të rrezikojnë rolin e ndershëm dhe moral të bashkësive fetare”, theksohet në letër. /tesheshi.com/
