Për kryeministrin Edi Rama tezat e partia socialiste mund të bashkëqeverisje me demokratët pas zgjedhjeve me qëllim komplotin ndaj LSI, janë përralla të “katundit mediatik”.
Kryeministri sqaroi se nuk ka asnjë plan për bashkëqeverisje me demokratët. Deklaratat shefi i qeverisë i bëri gjatë fjalës së tij në komunikimin e përjavshëm në rrjetin social Facebook me qytetarët.
“Mos i dëgjoni lajmet për bashkëqeverisje të paravendosur me Partinë Demokratike, nuk ka asnjë plan për bashkëqeverisje dhe asnjë komplot ndaj Lëvizjes Socialiste për Integrim”.
Sipas shefit të qeverisë vota nuk duhet çuar dëm për Vasilin, Bashën, Idrizin dhe Blushin të cilët sipas tij nuk bëhen dot kryeministra.
“Kë do zgjidhni kryeministër? Lulin, Petritin, Shpëtimin, Benin. Askush nga këta nuk bëhet dot kryeministër. Pse do e çoni votën për ta, që me votën tuaj të ushqejnë partinë e tyre”
Teksa vlerësoi koalicionin me LSI në bërjen e disa reformave të rëndësishme për vendin, Rama përsëri kërkoi që në 25 qershor të marrë ai drejtimin e timonit të qeverisë, por pa parti të tjera në prehër.
“Në këtë pjesë të parë, koalicioni ynë ka bërë reforma që nuk janë bërë në çerek shekulli. Edhe pse ne qëndruam në timon me të tjerë në prehër siç është bërë zakon të thuhet nga unë gjatë kësaj fushate. Në pjesën e dytë që fillon në 25 qershor na duhet një mandat i plotë për ta mbajtur drejt timonin e reformave pa qenë të kushtëzuar në shpejtësinë dhe thellësinë e reformimit të vendit apo masave për të bërë shtet nga aleatë që nuk duan ta prekin themelin e kalbur të administratë shtetërore. Të gjitha partitë përveç tonës e kanë të lidhur jetesën apo mbi jetesën me punësimet e klientelës partiake në shtet. Ne nuk jemi kundër koalicioneve, por unë nuk do të isha i drejtë me këtë vend dhe as i sinqertë me ju nëse deri në 25 qershor nuk do t’iu paralajmëroja për rrezikun që nuk do tia dalim dot ta bëjmë Shqipërinë me një administratë dinjitoze nëse ju nuk na i besoni drejtimin e timonit të qeverisjes. Që askush mos na japë nesër votat për reformat duke marrë si shpërblim punësime partiake në shtet”/
Rama tha se fitorja e një mandati të dytë nga socialistët, është si pjesa e dytë e Realit në ndeshjen e mbrëmshme.
“Numri 2 është i duhuri për të gjithë, për një pjesë të dytë fantastike, si ajo e Realit mbrëmë.”
Kreu i qeverisë theksoi se mbështetja e PS-së do të sillte përfundimin e reformave të nisura. /tesheshi.com/
