Kryedemokrati Basha u ankua se ndihmat nuk po menaxhohen si duhet. Pas një vizitë në njësinë nr.6, ai shkroi:
“Sot në njësinë administrative 6 në Tiranë, qindra banesa të shkatërruara dhe të pabanueshme. Mes vuajtjeve, stresit dhe tronditjes banorët kërkojnë vlerësim urgjent, strehim dhe ndihma ushqimore! Ata thonë se deri tani janë tërësisht jashtë vëmendjes dhe të braktisur në fatin e tyre.
Mirënjohje për kontributet dhe ndihmën e disa bizneseve që ndonëse në vështirësi kanë strehuar 40 familje. Ndërkohë u informova se ndihma të tjera të destinuara nga Kosova për këtë zonë janë ndalur në Kashar dhe nuk kanë arritur në destinacion. Gjithsesi vullnetarizmi nuk mjafton. Duhet menjëherë prania dhe ndihma e shtetit!”, shprehet Basha.
Siç mund të shihet, edhe në këtë rast ai i shmanget akuzave me sfond politik, ku qeveria zëvëndësohet me shtetin.
Ndërkohë, te ai ka shkuar një tjetër ftesë nga kryeministri Rama për bashkëpunim në përballimin e pasojave të rënda të tërmetit. /tesheshi.com/
