Kreu demokrat Basha është detyruar të cilësojë si “shpresë të madhe të shqiptarëve”, atë që është inisiativë dhe projekt i kundërshtarit të tij politik, Rama.
Ka ndodhur kjo, në fakt jo si vlerësim për kryeministrin nga ana e kreut të opozitës, por si akuzë ndaj tij. Sepse, në gjykimin e Bashës, me zgjedhjen e një Kryeprokurori të përkohshëm (që është kryeprokurore, Arta Marku), Rama i ka vënë shkelmin Kushtetutës.
“Po përpiqen të shkatërrojnë shpresën tjetër të shqiptarëve, që është reforma në drejtësi duke e kapur atë dhe duke mbrojtur krimin, duke shkatërruar dosjet e krimit, të ndalimit apo kompromontimit të dosjeve të Saimir Tahirit, Vangjush Dakos, Balilajt dhe Habilajt, që janë konfirmuar si shtyllë dhe aleatë të pushtetit të Ramës”, tha kryedemokrati, gjatë një interviste në Top Story. /tesheshi.com/
