Në një takim me përfaqësues të Urdhërit të Farmacistit, kryetari demokrat Basha u saqaroi atyre se ç’synonte programi i PD-së në këtë sektor.
“Angazhimi i parë në këtë fushë është që ne do të bëjmë të gjitha ndryshimet e nevojshme ligjore dhe do të ushtrojmë të gjithë kontrollin e nevojshëm që barnat shqiptare të cilësisë dhe standardeve të vendeve europiane”, tha Basha.
“E dyta ka të bëjë me pacientin. Sepse i gjithë programi ynë për shëndetësinë ka në qendër pacientin, paraja ndjek pacientin. Kjo do të thotë që rimbursimi i barnave do të bëhet në bazë të diagnozës, në mënyrë që asnjë pacient që ka nevojë për një ilaç të veçantë, të mos mbetet pa e marrё kёtё mjekim”, sqaroi i pari i opozitës.
“Kёto janё dy ndryshimet kryesore qё do tё sjellё programi pёr shёndetёsinё”, tha Basha. /tesheshi.com/
