Kreu i opozitës, Lulzim Basha ka përsëritur për të disajtën herë se kërkon zbatimin me përpikmëri të pikës 8 të rekomandimit të Komisionit të Venecias, në lidhje me reformën në drejtësi.
“Nuk mund të pranojmë një drejtësi “Venecia minus”, pasi do të përkthehet në një drejtësi të kapur”, shpjegoi Basha.
Ai i bëri të ditur Kryeministrit Rama se opozita nuk do të tërhiqet nga ky rekomandim i Venecias dhe deklaroi se “nëse edhe Rama është për këtë, jemi gati të ulemi dhe t’i japim shqiptarëve zgjidhjen përfundimtare të këtij problemi”.
Basha pati sot një takim me kryetarin për Çështjet Europiane në parlamentin Gjerman, që ndodhet për një vizitë disaditore në Tiranë për procesin e Integrimit Europian në Shqipëri. /tesheshi.com/
