Në një fjalim virtual në kuadër të 8 Dhjetorit, “Ditës së Rinisë”, e cila shënon nisjen e rebelimit studentor anti-komunist në 91-in, kreu i PD-së Lulzim Basha u vetërreshtua te ata që sollën ndryshimin e sistemit.
Në vetën e dyte parë shumës, Basha tha se “30 vite më parë ne bëmë kthesën e madhe dhe shembëm diktaturën, më të egër komuniste në të gjithë Europën. Ky ndryshim u bë i mundur vetëm fal heronjve tanë, vetëm fal atyre që kishin moshën tuaj, vetëm fal të rinjve të dhjetorit 1990, të cilës i shkon sot mirënjohja dhe përkulja e thellë me respekt e imja, e të rinjve shqiptarë, e gjithë shqiptarëve anë e mbanë vendit”, tha Basha.
Kujtojmë se ai vetë nuk është prej atyre emrave që lidhet me atë kohë. Sipas historisë demokrate në lidhje me përvojat personale të Bashës, kreu i sotëm i PD-së ka qenë një komisioner në zgjedhjet e para, pra i PD-së.
“Dallga e këtij ndryshimi historik u bë e mundur vetëm prej të rinjve idealistë dhe energjikë të dhjetorit 1990”, theksoi Basha, ndërkohë që për ironi, mes tyre, apo deri dhe në krye të tyre, ishte ai që sot është kundërshtar politik i tij.
Por për Bashën, Rama ndryshoi rrjedhën demokratike të Shipërisë, ku po ecte me Berishën në pushtet.
“U bënë 8 vite që Shqipëria ka dal nga shinat, madje ka bërë kthim mbrapa”, tha Basha.
Ai premtoi se po u bë kryeministër, do e kufizojë këtë post vetëm në dy mandate.
“Dy mandate janë të mjaftuesdhme për të dhënë kontribut të vlefshëm në krye të insticioneve shtetërore.
Ndaj zotohem sot para jush, këtë 8 Dhjetor 2020, se përmes parlamentit të ri apo edhe me referendum qytetar, unë do të bëj realitet kufizimin e mandatit të kryeministri dhe ju vetë do të votoni për të qarkulluar elitat dhe për të pastruar ujin e ndjenjur të politikës shqiptare”, tha Basha.
Por kjo frazë e fundit e tij – “…për të qarkulluar elitat dhe për të pastruar ujin e ndjenjur të politikës shqiptare” – e kompromenton nga fakti se ende aktiv në politikë janë Berisha dhe Meta. I pari është mentori politik i tij, ende 100 përqind aktiv, të cilit as i është kundërvënë e as ka guxuar ta kritikojë ndonjëherë.
Ndërsa i dyti, president, është aleati i hapur i tij, të cilit i shkon në Presidencë për çdo rast të zhvillimeve politike. /tesheshi.com/
