Kreu demokrat Basha nuk tërhiqet nga teza e tij kokëforte “zgjedhje pa Ramën kryeministër”, ndonëse për këtë po kritkohet dhe nga aleatët, madje dhe nga vetë presidenti Meta, gati aleat me të në këtë krizë, apo siç aludon mazhoranca, një ideues dhe regjisor okult i krizës.
Pak minuta pasi Meta e kritikoi për mosfutjen në zgjedhje, referuar pretendimit se e ka 85 përqëind të elektoratit me vete, Basha i bën të qartë se kjo nuk mund të ndodhë.
“Vetëm zgjedhjet e lira dhe të ndershme me një qeveri tranzitore pa hajdutin psiqik, dhe ndëshkimi i politikanëve që vodhën zgjedhjet, do ta çlirojnë demokracinë dhe drejtësinë nga kjo bandë kriminale. Kësaj radhe zgjidhja e krizës kalon nga politikanë me pranga në duar”, shkruan Basha.
Ky i fundit, tashmë në krye të një partie pa asnjë përqindje pushtet, ardhur si pasojë edhe e bojkotit të zgjedhjeve lokale, pretendon se strategjia e tij, duke nisur që nga djegia e mandateve, ka brenda suksesin e padiskutueshëm politik. Në gjykimin e Bashës, Rama do bjerë shpejt. /tesheshi.com/
