Kreu demokrat Basha vendos t’i dalë në mbrojtje Salianjit, edhe pas provave të qarta, dalë nga dosja hetimore, e një sajese të një audiopërgjimi me personazh Agron Xhafajn, vëllain e ish-ministrit Fatmir Xhafaj.
Salianji është dënuar nga drejtësia për të ashtuquajturën afera “Babale”, e ndërkohë, publikimi i dosjes hetimore me përgjime ka treguar se gjithçka ka ka qenë një skenar i sajuar nga PD, ku është marrë përsipër realizimi nga ish-deputeti Salianji.
Ditët e fundit, edhe ish-ministri Xhafaj ka thyer heshtjen, duke e denoncuar gjithë çfarë ka ndodhur. Por kryedemokrati ka vendosur të “mos dorëzohet” dhe i ka shkruar një letër ambasadores amerikane Yuri Kim, ku pretendon se mbi procesin gjyqëros ka diktuar politika.
Aty, Basha nuk thotë literalisht se zëri i në audiopërgjim është i Agron Xhafajt, e provuar që nuk është, por thotë se ai “lëviste i lirë”.
“PD ka denoncuar publikisht me prova dhe fakte në sajë të përfaqësuesit të tij, Ervin Salianji për përfshirjen trafikimin e lëndëve narkotike të Fatmir Xhafajt, vëllai i ish- ministrit të Brendshëm Fatmir Xhafaj, i cili mbrohej dhe lëviztë i lirë në Shqipëri, edhe pse ai ka një dënim nga gjykata Italia me 7 vite e 4 muaj burg. Pavarësisht kësaj, ai vijonte lëvizte i lirë për shkak se kishte mbështetje nga qeveria”, shkruan ndër të tjera Basha.
Kështu, PD vendos të mos pranojë një rezultat hetimi dhe një vendim gjyqësor, duke zgjedhur të mbrohet me një “letër dërguar Uashingtonit” në “Rrugën e Elbasanit”. /tesheshi.com/
