Kreu i Partisë Demokratike, Lulzim Basha, ka përgëzuar ditën e sotme qendrën e djathtë franceze dhe Nicholas Sarkozy për fitoren në zgjedhjet rajonale në Francë.
Sipas Bashës, kjo fitore është një inkurajim për ne, demokratët dhe opozitën shqiptare.
“Dua të përgëzoj në emrin tim dhe të demokratëve qendrën e djathtë franceze dhe Nicholas Sarkozy për fitoren në zgjedhjet rajonale në Francë. Fitorja e qartë në këto zgjedhje është ngadhnjim i të djathtës, i vlerave, parimeve dhe ideve të saj që sjellin zhvillim e prosperitet për popujt. Ky triumf i qendrës së djathtë vjen si reflektim i qytetarëve francezë që e shohin këtë zgjedhje si rrugë shpëtimi. Ky është një sinjal për qendrën e djathtë dhe për të djathtën në mbarë Europën dhe një inkurajim për ne, demokratët dhe opozitën shqiptare”,- shkruan Basha./tesheshi.com/
