Ndërsa Edi Rama e sulmonte për “ikje në drejtim të paditur”, Lulzim Basha ishte në çadrën e opozitës, përballë Kryeministrisë, duke përcjellë përpara mbështetësve mesazhin se “kryeministri i trembet gjykimit popullor me votë dhe se me asgjësimin e zgjedhjeve të lira e të ndershme po asgjëson Shqipërinë”.
“Edi Rama i trembet gjykimit popullor me votë sepse s’di ti përgjigjet pyetjeve për 300 mijë vende pune, për subvencione, ndihmë ekonomike, arsim cilësor. Nuk ka mbajtur asnjë premtim.Nuk mbajti asnjë premtim sepse nuk u përpoq kurrë të mbante premtimet e tij. Kjo vetëm që të përfitojne pushtetaret kriminelë të kupolës së tij politike”.
Sipas Bashës, mosbindja civile dhe marshimi ditën e shtunë do të jenë beteja kombëtare për zgjedhje të lira e të ndershme. /tesheshi.com/
